ថ្ងៃអង្គារ ទី27 ខែមិថុនា ឆ្នាំ 2017

 English

ព័ត៌មានច្រើនទៀត

សេច​ក្តីថ្លែង​ការណ៍​ស្តី​ពីអនុសាសន៍​សម្រាប់​កិច្ច​ប្រ​ជុំ​នៃ​ក្រុម​កា​រ​ងារ​របស់គណបក្ស​ប្រ​ជា​ជន​កម្ពុជា និង​គណ​បក្ស​សង្គ្រោះ​ជាតិ

អង្គការ​សង្គមស៊ីវិ​ល​សូម​អបអរ​សេចក្តី​ប្រ​កាស​រួម​នៃ​ក្រុម​ការងា​រគណបក្សន​យោបាយ​ទាំង​ពីរ កាល​ពី​ថ្ងៃ​ទី​១៨​ ខែកុម្ភៈ ២០១៤ និង​ការ​គ្រោង​ជួប​ប្រ​ជុំ​គ្នាជា​ថ្មី​នៃ​ក្រុម​កា​រ​ងា​រ​ទាំង​ពីរ នៅថ្ងៃ​ទី​០៣ ខែមីនា ឆ្នាំ​២០១៤ ខាងមុខ​នេះ។ យើង​ខ្ញុំ​សូម​ផ្តល់​ជាអនុសាសន៍ ដូច​ខាង​ក្រោម​សម្រាប់​កិច្ច​ប្រ​ជុំ​នេះ៖
•    សមាស​ភាពនៃ​គណៈក​ម្មាការ​ចម្រុះ​កំ​ណែទម្រង់​បោះ​ឆ្នោត​នេះ គួរ​មាន​សមាជិក​ជា​ស្ត្រី​មក​ពី​គណ​បក្សន​យោ​បា​យ​ទាំង​ពីរ។
•    ដំណើរការ​នៃគណៈកម្មការ​ចម្រុះ​កំ​ណែទម្រង់​ការបោះ​ឆ្នោត​នេះ ត្រូវ​តែ​មាន​ការ​បើ​ក​ចំហរ និង​ការ​ផ្តល់​នូវ​ព៌ត័​មានជូន​សាធារណជន។
•    នីតិវិធីធ្វើការរបស់​គណៈ​កម្មការ​នេះ​ត្រូវ​ធានាឱ្យ​មាន​ការស្រុះ​ស្រួល​គ្នាជា​ឯក​ច្ឆ័ន  និងភាព
រលូន​នៃ​ដំណើរការ ។
•    គណៈកម្មការនេះត្រូវសម្រេចអោយបាននូវបញ្ជីលទ្ធផលដែលបានរំពឹងទុក នៃកំណែទម្រង់នៃការបោះឆ្នោត (មានជាអាទិ៍ គណៈកម្មាធិការជាតិរៀបចំការបោះឆ្នោត ការចុះឈ្មោះបោះឆ្នោត បញ្ជីឈ្មោះបោះឆ្នោត ប្រព័ន្ធផ្សព្វផ្សាយ យន្តការដោះស្រាយទំនាស់ការបោះឆ្នោត និងការលើកស្ទួយស្ត្រី និងយុវជនតំណាងជាប់ឆ្នោត...) និងបង្កើតផែនការសម្រាប់ការអនុវត្តការកំណែទម្រង់ការបោះឆ្នោតដែលព្រមព្រៀងគ្នា អោយបានច្បាស់លាស់នៅមុនដំណាច់ឆ្នាំ២០១៤។
•    ការអនុវត្តន៍ផែនការកំណែទម្រង់ការបោះឆ្នោតនេះគួរធានាអោយមានការរៀបចំការបោះឆ្នោតឡើងវិញមុនអាណត្តិ យ៉ាងយូរមុនដំណាច់ឆ្នាំ២០១៥។
ក្រុមអង្គការសង្គមស៊ីវិល សង្ឃឹមយាងមុតមាំថា ការជួបប្រជុំនៃក្រុមការនៃគណបក្សនយោបាយទាំងពីរ នឹងប្រកបទៅដោយការទទួលខុសត្រូវ និងទទួលបានលទ្ធផលវិជ្ជមាន។

អង្គការដែលគាំទ្រ និងព័ត៌មានបន្ថែមសូមទាក់ទង៖
១.លោកស្រី រស់ សុភាព    នាយិកាអង្គការ GADC                ០១២ ៦២ ៧៨ ៥៧
២.លោក ហង្ស ពុទ្ធា        នាយកប្រតិបត្តិអង្គការនិកហ្វិច            ០១២ ៩៥ ៩៦ ៦៦
៣.លោក សួន ប៊ុនស័ក្តិ        អគ្គលេខាធិការនៃ CHRAC            ០៩២ ៣៤ ៤៣ ៥៧
៤.លោក យ៉េង វីរៈ        នាយកប្រតិបត្តិអង្គការ CLEC             ០១២ ៨០ ១២ ៣៥
៥.លោក ប៉ា ងួនទៀង        នាយកប្រតិបត្តិ CCIM                ០៦០ ៤០ ៩៩ ៩៩
៦.លោក យ៉ង់ គឹមអេង        នាយកប្រតិបត្តិ PDP-Center            ០១៦ ៨២ ៨២ ១១
៧.លោក ជាង សុខា        នាយកប្រតិបត្តិអង្គការ YRDP            ០១២ ៣៦ ០៤ ៦៤
៨.លោក សាម អ៊ីន        នាយកប្រតិបត្តិ LWD                ០១២ ៥៥ ១៨ ៨៦
៩.លោក នី ចរិយា        ប្រធានស៊ើបអង្កេតនៃសមាគម អាដហុក    ០១១ ២៧ ៤៩ ៥៩
១០.លោក គល់ បញ្ញា        នាយកប្រតិបត្តិអង្គការខុមហ្រ្វែល        ០១២ ៩៤ ២០ ១៧
១១.លោក ហុង គឹមសួន    ប្រធានសម្ព័ន្ធCISA                ០១២ ៩៤ ៥៥ ០៥
១២.លោក គាន ពន្លក        នាយកប្រតិបត្តិស្តីទីអង្គការDHRAC        ០១២ ៥៥ ១៤ ៦៦

សូមចុចទីនេះដើម្យីទាញយក​ជាទម្រង់ pdf

សេច​ក្តីថ្លែងការណ៍​រួម​ស្តី​ពី​គោល​ការណ៍​អប្បបរ​មា​ក្នុង​ការ​បង្កើត​យន្ត​ការ​កំ​ណែទម្រង់​នៃ​ការ​បោះ​ឆ្នោត​នៅ​កម្ពុជា

យើង​ជាអង្គការសង្គមស៊ីវិលសូមអបអរ​សាទរ​ចំ​ពោះ​សេច​ក្តី​ថ្លែង​ការណ៍​រ​បស់​គណ​បក្ស​ប្រជាជន​កម្ពុជា និង​គណបក្ស​សង្រ្គោះ​ជាតិ ដែល​បាន​យក​ចិត្ត​ទុក​ដាក់ និង​បន្ត​ការ​ពិ​ភាក្សា​បង្កើត​យន្ត​ការ​កំណែទម្រង់​បោះ
ឆ្នោត។
សម្ព័ន្ធកំណែ​ទម្រង់​ការ​បោះ​ឆ្នោត (Electoral Reform Alliance) យល់ឃើញ និង​មាន​យោ​បល់​ថា​ដើម្បី​ធ្វើ​កំ​ណែ​ទម្រង់​ការ​បោះ​ឆ្នោត​បាន​ជោ​គជ័យគឺ​ត្រូវ​ការ​អោយ​មាន​យន្តការ​មួយ​ដែល​មាន​ប្រសិទ្ធិភាព​ដោយ​ឈរ​លើ​គោលការ​ណ៍​អប្បបរ​មាដូច​ខាង​ក្រោម´៖

សូមចុចទីនេះដើម្បីអានអត្ថដើមទាំងស្រុង

សេចក្តីជូនដំណឹងស្តីពី “ការ​ដាក់​បេក្ខជន​ស្ត្រី​ឈរ​ឈ្មោះ​អោយ​បាន​៥០% សំ​រាប់​ការ​បោះ​ឆ្នោត​ជ្រើស​រើស​ក្រុម​ប្រឹក្សារា​ជ​ធានី ក្រុម​ប្រឹ​ក្សា​ខេត្ត ក្រុមប្រឹក្សា​ក្រុង ក្រុម​ប្រឹក្សា​ស្រុក និង​ក្រុម​ប្រឹក្សាខណ្ឌ អាណត្តិទី២ ឆ្នាំ​២០១៤”

គណៈកម្មាធិការខុមហ្រ្វែល មានកិត្តិយសសូមជម្រាបជូនដំណឹងដល់លោក លោកស្រី អ្នកនាងកញ្ញាតំណាងសារព័ត៌មាន វិទ្យុ ទូរទស្សន៍ជាតិ និងអន្តរជាតិ ព្រមទាំងអង្គការជាតិ និងអន្តរជាតិទាំងអស់មេត្តាជ្រាបថា គណៈកម្មាធិការខុមហ្រ្វែល នឹងរៀបចំកិច្ចពិភាក្សាតុមូល ស្តីពី “ការដាក់បេក្ខជនស្ត្រីឈរឈ្មោះអោយបាន៥០% សំរាប់ការបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក និងក្រុមប្រឹក្សាខណ្ឌ អាណត្តិទី២ ឆ្នាំ២០១៤”  នៅក្នុងខេត្តគោលដៅចំនួន ៥ គឺ៖  ខេត្តកំពង់ឆ្នាំង ខេត្តកំពង់ចាម ខេត្តតាកែវ ខេត្តកំពង់ធំ និងខេត្តព្រះវិហារ។

សូមចុចទីនេះដើម្បីទាញយកឯកសារ

របាយ​ការណ៍​​សង្ខេប​ ការ​អង្កេត​និង​​ការ​​វា​យតម្លៃ​លើ​​ការ​អនុវត្ត​កម្មវិធី​​​ន​យោបាយ​​ដែល​មាន​​សូច​នាករ​ច្បាស់​លាស់​របស់​រាជ​រដ្ឋា​ភិ​បាល​​និង​​មន្ត្រី​​ជាប់​ឆ្នោត​​នី​តិកា​ល​ទី៤

គណៈកម្មាធិការ​ដើម្បីការបោះឆ្នោត​ដោយ​សេរី​ និង​យុត្តិធម៌​នៅកម្ពុជា (ខុមហ្វ្រែល)​ សូម​ចេញរបាយការសង្ខេប​ស្តីពី "ការ​អង្កេត​និង​​ការ​​វា​យតម្លៃ​លើ​​ការ​អនុវត្ត​កម្មវិធី​​​ន​យោបាយ​​ដែល​មាន​​សូច​នាករ​ច្បាស់​លាស់​របស់​រាជ​រដ្ឋា​ភិ​បាល​​និង​​មន្ត្រី​​ជាប់​ឆ្នោត​​នី​តិកា​ល​ទី៤នៃរដ្ឋសភា"

សូមចុចទីនេះដើម្បីទាញយកឯកសារ

សេចក្តីថ្លែងការណ៍រួម ស្តីពី ការស្តារឡើងវិញពន្លកប្រជាធិបតេយ្យនៅកម្ពុជា

បន្ទប់ស្ថានការណ៍នៃសមាគម និងអង្គការសង្គមស៊ីវិលនៅកម្ពុជា  សូមថ្កោលទោសចំពោះការប្រើអំពើហិង្សាធ្ងន់ធ្ងរបង្រ្កាបបាតុករជាកម្មករ និង បោសសំអាតក្រុមបាតុកររបស់គណបក្សសង្គ្រោះជាតិនៅទីលានប្រជាធិបតេយ្យ និងទីកន្លែងផ្សេងៗទៀតចាប់ពីថ្ងៃទី០២ ដល់ ០៤ ខែមករា ឆ្នាំ២០១៤។ ការបង្រ្កាប និងបោសសំអាតដោយយោធា កងកម្លាំងប្រដាប់អាវុធ និងជនស៊ីវិលដែលរៀបចំទុកនេះ បណ្តាលឲ្យប្រជាពលរដ្ឋស្លាប់ និងរងរបួស ព្រមទាំងមានការចាប់ខ្លួនប្រជាពលរដ្ឋ និងបណ្តាលឲ្យប្រជាពលរដ្ឋមានការភ័យខ្លាចចំពោះស្ថានភាពក្នុងសង្គមនាពេលបច្ចុប្បន្ន។ នេះជាករណីរំលោភសិទ្ធិមនុស្សដ៍ធ្ងន់ធ្ងរមួយដែលមិនអាចទទួលយកបាន និងធ្វើឲ្យប៉ះពាល់ជាអវិជ្ជមានដល់ដំណើរការលទ្ធិប្រជាធិបតេយ្យនៅកម្ពុជា។

សូមចុចទីនេះដើម្បី​អាន​អត្ថបទទាំងស្រុង

JPAGE_CURRENT_OF_TOTAL