ថ្ងៃច័ន្ទ ទី24 ខែកក្កដា ឆ្នាំ 2017

 English

ព័ត៌មានច្រើនទៀត

សេចក្តីប្រកាសព័ត៌មាន

សំបុត្រអគ្គិសនី បោះពុម្ព PDF

ក្រុមអង្គការសង្គមស៊ីវិលនៅកម្ពុជា មានកិត្តិយសជម្រាបជូនសាធារណៈជន អ្នកសារព័ត៌មានជាតិ-អន្តរជាតិ វិទ្យុ ទូរទស្សន៍ តំណាងអង្គការសង្គមស៊ីវិលជាតិ និងអន្តរជាតិ និងតំណាងអង្គទូតឲ្យបានជ្រាបថា នៅថ្ងៃទី ០២ ខែតុលា ឆ្នាំ២០១៤ ក្រុមអង្គការសង្គមស៊ីវិលនៅកម្ពុជានឹងរៀបចំសន្និសីទសារព័ត៌មានស្តីពី « សារាចរណែនាំរបស់ប្រធានរដ្ឋសភាមិនស្របតាមក្របខ័ណ្ឌច្បាប់ និងគោលការណ៍ប្រសិទ្ធិភាព តម្លាភាព និងប្រជាធិបតេយ្យ»។

កាលបរិច្ឆេទ៖  ថ្ងៃទី០២ ខែតុលា ២០១៤

វេលាម៉ោង៖  ៩:៣០ ព្រឹក

ទីកន្លែង៖  ស្នាក់ការកណ្តាលអង្គការខុមហ្វ្រែល

រៀបចំដោយ៖ ក្រុមអង្គការសង្គមស៊ីវិល

វាគ្មិនចូលរួមសំខាន់ៗរួមមាន៖

• លោក គល់ បញ្ញា នាយប្រតិបត្តិអង្គការ ខុមហ្វ្រែល

• លោក នី ចរិយា ប្រធានផ្នែកអង្កេតនៃសមាគម អាដហុក

• លោក អ៊ូ វីរៈ ប្រធានក្រុមប្រឹក្សាភិបាលនៃមជ្ឍមណ្ឌលសិទ្ធិមនុស្សកម្ពុជា

អាស្រ័យដូចបានជម្រាបជូនខាងលើ យើងខ្ញុំសូមគោរពអញ្ជើញសាធារណៈជន អ្នកសារព័ត៌មានជាតិ-អន្តរជាតិ វិទ្យុ ទូរទស្សន៍ តំណាងអង្គការសង្គមស៊ីវិលជាតិ និងអន្តរជាតិ និងតំណាងអង្គទូត ចូលរួមក្នុងកិច្ច សន្និសីទសារព័ត៌មាននេះ កុំបីខាន៕ព័ត៌មានបន្ថែមសូមទាក់ទង៖ ០២៣ ៨៨៤ ១៥០ / ០៨៩ ២១ ២១ ១០

សូមចុចទីនេះដើម្បីអានព៌តមានពេញលេញជា PDF

សម្លឹង​មើល​លទ្ធផល​នៃ​ការ​បោះ​ឆ្នោត ក្រុម​ប្រឹក្សា​ថ្នាក់​ក្រោម​ជាតិ

គណៈ​កម្មាធិការ​ដើម្បី​ការ​បោះឆ្នោ​ត​ដោយ​សេរី និង​យុត្តិធម៌នៅ​កម្ពុជា (ខុមហ្វ្រែល) ប្រកាន់​ជំ​ហរ​មិ​ន​ចូល​រួម និងមិនគំាំទ្រការ​បោះ​ឆ្នោត​ជ្រើស​រើស​ក្រុម​ប្រឹ​ក្សាថ្នាក់​ក្រោម​ជាតិ​រួមមាន ការ​បោះ​ឆ្នោត​ក្រុម​ប្រឹក្សា​រាជ​ធានី ខេត្ត ការ​បោះ​ឆ្នោត​ក្រុម​ប្រឹក្សាក្រុ​ង ស្រុក ខណ្ឌ អាណតិ្តទី២ ឆ្នាំ២០១៤ ដោយ​នៅ​តែ​បន្ត​ចាត់​ទុក​ថា នេះជា​កា​រ​បោះ​ឆ្នោត​ដែល​មិន​មាន​តម្លាភាព និង​គ្មាន​អត្ថន័យ។ ប្រព័ន្ធ​បោះ​ឆ្នោត​ជ្រើស​រើស​ក្រុម​ប្រឹក្សារាជ​ធានី ខេត្ត ក្រុមប្រឹក្សាក្រុង ស្រុក ខណ្ឌ នេះ មិនបានឆ្លុះបញ្ចាំងភាព​ត្រឹម​ត្រូវ​ក្នុង​ការ​ចូល​រួម​ប្រ​កួត​ប្រ​ជែង ព្រោះលទ្ធផល​នៃ​ការ​បោះឆ្នោត យើង​អាច​ដឹង​មុន​តាម​រយៈ ការ​គណនា​ចំ​នួន​សមាជិក​ក្រុម​ប្រឹក្សាឃុំ​សង្កាត់ របស់គណបក្សនី​មួយៗ​។ ជាក់​ស្តែង​ណាស់​ការ​បោះ​ឆ្នោត​ជ្រើស​រើស ក្រុម​ប្រឹក្សារាជ​ធានី ខេត្ត ក្រុម​ប្រឹក្សាក្រុង ស្រុក ខណ្ឌ អាណតិ្តទី២ ដែល​នឹង​ប្រព្រឹត្ត​ទៅ​នៅ​ថ្ងៃ អាទិត្យ ទី១៨ ខែឧសភា ឆ្នាំ២០១៤ មានតែ ៥ គណបក្សនយោបាយប៉ុណ្ណោះ បានចូលរួមប្រកួតប្រជែងការបោះឆ្នោត បើទោះបីជាមាន ៦គណបក្សនយោបាយ ដែល​មានអា​សនៈក្នុងក្រុម​ប្រឹក្សា​ឃុំសង្កាត់​ក៏​ដោយ។

សូមចុចទីនេះដើម្បីអានអត្ថបទដើមទាំងស្រុង

សេច​ក្តី​ប្រ​កាស​ព័ត៌​មាន​ស្តីពីដំណើ​រ​ការ​កំណែ​ទម្រង់​ការ​បោះឆ្នោត

សម្ព័ន្ធ​កំ​ណែទ​ម្រង់​ការ​បោះឆ្នោត​សូម​សម្តែង​ការ​សោក​ស្តាយ​ចំ​ពោះកិច្ច​ប្រ​ជុំ​នៃ  គណៈកម្មការចម្រុះរបស់គណបក្សទាំងពីរ កាលពីថ្ងៃទី១០ ខែមីនា ឆ្នាំ២០១៤ ដែល​មិន​អាច​ឈាន​ទៅ​ដល់​ការ​ព្រម​ព្រៀង

​ដើម្បី​ចេញ​លទ្ធ​ផល​ជាក់​លាក់ ។

គណៈ​កម្មការ​នេះ​ត្រូវ​តែ​រៀប​ចំ​ផែន​ការ​សកម្មភាព​នៃ​កំ​ណែទម្រង់​ការ​បោះ​ឆ្នោត ដោយ​កំ​ណត់​អំ​ពី​ពេល​វេលាអោយ​បាន​ច្បាស់លាស់។

គណៈកម្មការចម្រុះនេះត្រូវបង្កើតអនុគណៈកម្មការបច្ចេកទេសផ្សេងៗគ្នាដើម្បីចាប់ផ្តើមធ្វើការ និងជជែកលម្អិតទៅលើ៖
១ គណៈកម្មាធិការជាតិរៀបចំការបោះឆ្នោត
២ ការចុះឈ្មោះបោះឆ្នោត និងបញ្ជីឈ្មោះបោះឆ្នោត
៣ ប្រព័ន្ធផ្សព្វផ្សាយ
៤ យន្តការដោះស្រាយវិវាទនៃការបោះឆ្នោត
៥ ការរៀបចំបង្កើតច្បាប់ស្តីពីហិរញ្ញវត្ថុនយោបាយ

គណៈកម្មការ​ចម្រុះនេះ ត្រូវ​តែ​ធ្វើកា​រប្រ​ជុំអោ​យបាន​ញឹកញាប់ជាងនេះ ដើម្បីបង្ហាញ​អោយ​ឃើញ​ពី​ការប្តេជ្ញាចិត្តក្នុងការដោះស្រាយបញ្ហាជាតិយ៉ាងពិតប្រាកដ។ គណៈកម្មការចម្រុះនេះ ត្រូវ

​ធ្វើការពិភាក្សា​ដោយ​ផ្តោត​ទៅ​លើប្រធានបទ នៃកំណែទម្រង់ការបោះឆ្នោតដែលថ្នាក់ដឹកនាំកំពូលនៃគណៈបក្សទាំងពីរបានឯកភាពកាលពីថ្ងៃទី១៦ កញ្ញា ឆ្នាំ២០១៣ ជាជាងបញ្ហាដទៃទៀត។

សម្រាប់ព័ត៌មានបន្ថែម៖               
•    លោក នី ចរិយា    អាដហុក    ០១១២៧៤៩៥៩
•    អ្នកស្រី រស់ សុភាព    ហ្គាដស៊ី    ០១២៦២៨៧៥៧
•    លោក ព្រាប កុល    តម្លាភាពកម្ពុជា    ០១២៨៧៧៨៣៣
•    លោក ហង្ស ពុទ្ធា    និចហ្វិច    ០១២៩៥៩៦៦៦
•    លោក យង់ គិមអេង    ភីដីភី សិនធ័រ    ០១៦៨២៨២១១
•    លោក គល់ បញ្ញា    ខុមហ្វ្រែល    ០១២៩៤២០១៧
•    លោក សុខ ពិទូរ្យ    វាយ ស៊ី ស៊ី    ០១៧២៧៣៣០៣
•    លោក គាន ពន្លក    ដ្រាក    ០១២៥៥១៤៦៦
•    លោក ហុង គឹមសួន    សម្ព័ន្ធស៊ីសា    ០១២៩៤៥៥០៥
•    លោក ប៉ា ងួនទៀង              ស៊ី ស៊ី អាយ អឹម                      ០៦០៤០៩៩ ៩៩
•    លោក យ៉េង វិរះ    CLEC    ០១២៨០១២៣៥

សូមទាញយកឯកសារដើមជា​ PDF

សេច​ក្តីជូន​ដំ​ណឹង​សន្និ​សីទ​សា​រ​ព័ត៌​មាន​ស្តី​ពី “ដំ​ណើរ​កា​រ​កំ​ណែទម្រង់​ការ​បោះ​ឆ្នោត​”

សម្ព័ន្ធ​កំណែទម្រង់​ការ​បោះ​ឆ្នោត មាន​កិត្តិ​យស​សូម​ជម្រាប​ជូន​ដំ​ណឹង​ដល់​លោក លោក​ស្រី នាង​កញ្ញា ជា​តំ​ណាង​សារ​ព័ត៌​មាន វិទ្យុ ទូរទស្សន៍ជាតិ និងអន្តរជាតិ ព្រម​ទាំង​អង្គការ​ជាតិ​និង​អន្តរ​ជាតិ​ទាំង​អស់​មេត្តា​ជ្រាប​ថា គណៈកម្មាធិការ​ខុម​ហ្រ្វែល នឹង​រៀប​ចំ​សន្និសីទ​សារព័ត៌​មាន​មួយ​ស្តី​ពី “ដំណើរ​ការ​កំ​ណែទម្រង់​ការ​បោះ​ឆ្នោត​”។
Electoral Reform Alliance (ERA) would like to inform the public and all the journalists that ERA will hold a press conference on “The Process of Electoral Reform”.

កាលបរិច្ឆេទ និងពេលវេលា        ៖ ថ្ងៃទី១២ ខែមីនា ឆ្នាំ២០១៤ (១០ព្រឹក)
Date and Time            : 12th March 2014 (10:00 AM)
ទីកន្លែង                ៖ ស្នាក់ការអង្គការខុមហ្វ្រែល
Venue                : COMFREL’s Head Office

សម្រាប់ព័ត៌មានបន្ថែម         ៖    លោក សួន យុធ្យា (០៨៨ ៨១ ៤២ ៧៨៣)
For More information    ៖     Mr. Soun Yuthyia (088 81 42 783)

សូមចុចទីនេះដើម្បីទាញយក

លិខិត​ចំហជូន​ចំ​ពោះ​គណៈ​កម្មការ​ចម្រុះ​កំ​ណែ​ទម្រង់​ការ​បោះ​ឆ្នោត​នៃ​គណ​បក្ស​ន​យោបាយ​ទាំង​ពីរ

សម្ព័ន្ធ​កំណែទម្រង់​ការ​បោះ​ឆ្នោត​សូម​អប​អរ និងស្វាគមន៍នូវ​លទ្ធផល​ដែល​គណៈ​កម្មការ​ចម្រុះ​កំ​ណែទម្រង់​ការ​បោះ​ឆ្នោត​បាន​ដំ​ណើរ​ការ និង​បាន​បញ្ចប់​កិច្ច​ប្រ​ជុំ​របស់​ខ្លួន​ទៅ​លើ​សេច​ក្តី​សម្រេច​រួម​ចុះនៅ​ថ្ងៃទី០៣ ខែមីនា ឆ្នាំ២០១៤ ដែលបាន​ឯក​ភាព​គ្នា​ទៅ​លើ​ការ​ធ្វើ​កំ​ណែទម្រង់​លើ​ចំ​ណុច​មួយ​ចំ​នួន។

ទោះបី​ជាយ៉ាង​ណាក៏​ដោយ ការ​ជួប​ប្រ​ជុំ​របស់គណៈ​កម្មការ​ចម្រុះ​នេះមិ​នទា​ន់​បាន​បង្ហាញ​ឱ្យបាន​ច្បាស់​លាស់​នូវ​ចំ​ណុច​ជាក់​លាក់​ដែល​បាន​សម្រេច​នោះ ព្រម​ទាំង​ខ្វះ​នូវ​ការ​ប្តេជ្ញា​ចិត្ត​ពិត​ប្រាក​ដក្នុង​ការ​ធ្វើ​ឱ្យ​ការ​ជួប​ប្រ​ជុំដំណើរ​ការនេះ​ដោយ​សកម្ម។

គណៈ​កម្មការចម្រុះ​នេះ ត្រូវ​តែ​ធ្វើការ​ប្រជុំ​ឱ្យ​បាន​ញឹក​ញាប់​ជាង​នេះ ដើម្បី​បង្ហាញឱ្យ​ឃើញ​ពី​ការ​ប្តេជ្ញាចិត្ត​ក្នុង​ការ​ដោះ​ស្រាយ​បញ្ហា​យ៉ាង​ពិត​ប្រាកដ។

សម្ព័ន្ធកំណែទម្រង់​ការ​បោះឆ្នោត សូម​អំ​ពាវ​នាវ​ឱ្យ​គណៈក​ម្មការ​ចម្រុះ​នេះ​ពិនិត្យ​មើល​ឡើង​វិញ​នូវ​រាល់​អនុសាសន៍​របស់​សម្ព័ន្ធ​កំ​ណែទម្រង់​ការ​បោះ​ឆ្នោត និង​សហភាព​អឺរ៉ុប ក៏​ដូច​ជា​អ្នក​រាយការណ៍​ពិសេស​របស់​អង្គការ​សហប្រជាជាតិ​ទទួល​បន្ទុក​សិទ្ធិមនុស្ស​សំ​រាប់​ជាមូលដ្ឋានក្នុងការធ្វើកំណែទម្រង់នេះ។

សម្ព័ន្ធកំ​ណែទម្រង់ការ​បោះ​ឆ្នោត រីក​រាយ​ជា​និច្ច​ក្នុង​ការ​ផ្តល់​ឯកសា​រ និង​ធ្វើ​បទ​បង្ហាញលំ​អិត​ជូន​គណៈកម្មការ​ចម្រុះ​នេះ មុន​ថ្ងៃទី​១០ ខែ​មីនា ឆ្នាំ​២០១៤​ខាង​មុខ​នេះ​។

សម្ព័ន្ធ​កំ​ណែទ​ម្រង់​ការ​បោះ​ឆ្នោត​សង្ឃឹម​យ៉ាង​មុត​មាំថា នៅ​កិច្ចប្រជុំលើក​ក្រោ​យ​នៃគណៈកម្មការចម្រុះនេះ ដែលនឹងប្រព្រឹត្តទៅថ្ងៃទី១០ ខែមីនា ឆ្នាំ២០១៤ នឹង​សម្រេច​បាន​ជា​ផែន​ការ​សកម្មភាព​លម្អិត និង​មាន​ពេល​វេ​លា​ជាក់​លាក់។

 

សម្រាប់ព័ត៌មានបន្ថែម៖


•    លោក នី ចរិយា    អាដហុក    ០១១ ២៧៤ ៩៥៩
•    អ្នកស្រី ពង់ ឈៀវកិច    លីការដូរ    ០១២ ៨០២ ៥០៦
•    លោក ព្រាប កុល    តម្លាភាពកម្ពុជា    ០១២ ៨៧៧ ៨៣៣
•    លោក ហង្ស ពុទ្ធា    និចហ្វិច    ០១២ ៩៥៩ ៦៦៦
•    លោក យង់ កិមអេង    ភីដីភី សិនធ័រ    ០១៦ ៨២៨ ២១១
•    លោក គល់ បញ្ញា    ខុមហ្វ្រែល    ០១២ ៩៤២ ០១៧
•    លោក សុខ ពិទូរ    វាយ ស៊ី ស៊ី    ០១៧ ២៧៣ ៣០៣
•    លោក មក់ ចំរើន    ខេ វាយ អេ    ០១៧ ៧៨៨ ៩៥៥
•    លោក គាន ពន្លក    ដ្រាក    ០១២ ៥៥១ ៤៦៦
•    លោក ហុង គឹមសួន    សម្ព័ន្ធស៊ីសា    ០១២ ៩៤៥ ៥០៥
•    លោក ប៉ា ងួនទៀង              ស៊ី ស៊ី អាយ អឹម                      ០៦០ ៤០៩៩ ៩៩

សូមចុចទីនេះដើម្បីទាញយកឯកសារដើមជា PDF

អត្ថបទផ្សេងៗទៀត...

JPAGE_CURRENT_OF_TOTAL